NEW CANDIDATES FOR TOON COUNCIL
HONOURS
Ma sonsie chiel, come tak’ a seat,
And a wee bit story I’ll relate,
Hoo the busy buddies o’ oor toon
For council candidates have socht aroon’.
Mum’s the word, min noo I say,
They’ve socht a man, his name’s P.K.,
Ower a’ the land he’s famed for reeds
For wabster buddies tae haud their threeds.
The gallant chiel he did reply –
“Some ither day I’ll have a try”.
The worthies didna lose a’ hope,
They’ve got anither that’s famed for soap.
North, south, east west, all ower the land,
Ye aye can find the Thistle brand.
This gallant fellow, without a lee,
At the Council Board wad suit tae a tee.
Anither chap’s for the nomination roll –
Ower a’ the toon he’s famed for coal,
Neither millionaire nor titled Lord,
He’s the richt sort o’ chap for a Cooncil Board.
Noo, Ma cantie frien’, at the coming election,
Gin ye want a Cooncil that’s maist perfection,
Secure your coal and your Thistle soap,
And the Racecourse squabble will suddenly stop.
