A TEETOTAL SPEECH
Noo, freen’s, I’ve lately come tae think
Gin folk wad just gie up the drink
They’d aye ha’e lots o’ ready clink
Guid claes tae buy.
In misery’s sheugh they’d never sink
Nor helpless lie.
Gin ye quat takin’ beer and wine,
In dool despair ye’ll ne’er repine.
Your humble hame wad brightly shine
Believe you me.
On better things you’d feast and dine,
An’ happier be.
Quat ye at ance yer fav’rite gless
The brewer’s trade wad soon get less.
You’d land him in an awkward mess,
And spoil his pleasure,
But never mind, aye dae whit’s be
Ye’ll pooch the treasure
